Hyppää sisältöön

Ollesolbmuide

Maid eará olles olmmožin sáhttá searvegottis dahkat go boahtit ipmilbávalusaide?

Searvegottis lea vejolaš leahkit mielde máŋgga ládje. Vuoiŋŋalašvuođa sáhttá dikšut máŋgga ládje. Vuolábealde gávnnat lassedieđuid.

Jos boahtá millii juoga, mas hálidivččet leahkit mielde guoddime ovddasvástádusa, váldde oktavuođa bargiide.

Dievdduid sávdneeahkedat

Sávdneeahkedat ordnejuvvojit dábálaččat aktii mánus, geasset Báhppala gáddesávnnis ja dálvet Hetan Kota-báikkis. Doppe fállojuvvo eahketborramuš ja dollojuvvo rohkosboddu. Buresboahtin!

Nissoniid riekkis

Nissoniid rieggá deaivvademiid birra gávnnat dieđu dáhpáhuskaleandaris.

Biibbalriekkis

Biibbalriekkis čoahkkana ruovttuin Bálojogas ja Guhttásis aktii mánus, earet geasse-, suoidne- ja borgemánus. Buohkat buresboahtin fárrui.

Rávdnjerieggát

Searvegotti diakoniijabargu ordne ovttas SámiSosteriin ahkeolbmuide (+65j.) deaivvademiid Heahtás, Bealdovuomis ja Gárasavvonis. Deháleamos lea fal leahkit ovttas ja vuorrováikkuhusas.

Gáfestallama oktavuođas mii hupmat áigeguovdilis áššiid birra, ja sierranas ášši (teema) birra. Daid lassin leat sierralágán jurddafáddadoaimmat.

Vuollegis šielmma boradeamit

Juohke nuppi vahku dmu 11.30 - 12.30 ordnejuvvo ovttas SámiSosteriin ahkeolbmuide (+ 65j.) boradeapmi Luovvestobus (luovatupa).

Dárkilit dieđuid, guđe beivviid boradeamit leat, oainnát searvegotti kalendearas.

Duodjegáffebáiki

Duodjegáffebáikkis sáhttá guoimmuhit nuppiiguin ja duddjot juoidá dehálaš ášši buorrin. Oaivilin lea gieđa dáidduiguin bálvalit ja veahkehit lagamučča, gii orru guhkkin, ja oassálastit vuolggahusbargui. Gáffebáikai oažžu boahtit fal servvoštallat ja bargat iežas dujiiguin ja illudit nuppiid searvvis! Gáffebáiki lea searvegoddedálus.

Oktasaškristtalaš lávluneahkedat

Lávluneahkedat dollojit sulaid aktii mánus, dábálaččat Bálojogas. Eahkediin lávlut ovttas sierralágán vuoiŋŋalaš lávlagiid.